The Embassy hosted a Open House to celebrate the 70th Anniversary of National Independence Day.11/11/2023
កាលពីថ្ងៃទី១១ ដល់ ១២ ខែវិច្ឆិកា ឆ្នាំ២០២៣ កន្លងទៅនេះ ស្ថានទូតកម្ពុជាប្រចាំសហរដ្ឋអាមេរិក និងម៉ិកស៊ិកបានរៀបចំកម្មវិធី Open House ដើម្បីអបអរសាទរខួបអនុស្សាវរីយ៍លើកទី៧០ នៃទិវាបុណ្យឯករាជ្យជាតិ ៩ វិច្ឆិកា ១៩៥៣ - ៩ វិច្ឆិកា ២០២៣ ដោយមានការអញ្ជើញចូលរួមយ៉ាងច្រើនកុះករពីសំណាក់បងប្អូនខ្មែរអាមេរិកាំង សិស្សនិស្សិត និងភ្ញៀវអន្តរជាតិ ៕ ឯកឧត្តម កែវ ឈា ឯកអគ្គរាជទូតកម្ពុជាប្រចាំសហរដ្ឋអាមេរិក និងម៉ិកស៊ិក បានអញ្ជើញចូលរួមកាន់អង្គកឋិនទានមួយត្រៃយ៍ ហែរទៅវេប្រគេនព្រះសង្ឃគង់ចាំព្រះវស្សានៅវត្តរតនរង្សី តំបន់ម៉ាណាសាស រដ្ឋវើជីនៀ តាមប្រពៃណីព្រះពុទ្ធសាសនា កាលពីថ្ងៃទី៥ ខែវិច្ឆិកា ឆ្នាំ២០២៣៕ សូមថ្វាយព្រះពរ និងអបអរសាទរខួបទី១៩ នៃព្រះរាជពិធីគ្រងព្រះបរមរាជសម្បត្តិ ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ថ្ងៃទី២៩ ខែតុលា ឆ្នាំ២០២៣៕ មន្ត្រីការទូតកម្ពុជាប្រចាំសហរដ្ឋអាមេរិក និងម៉ិកស៊ិក សូមសម្តែងនូវការគោរពដឹងគុណដ៏ខ្ពង់ខ្ពស់បំផុតថ្វាយចំពោះ ព្រះបរមរតនកោដ្ឋ ដែលព្រះអង្គបានលះបង់ និងបូជាព្រះកាយពលដ៏ធំធេងបំផុតចំពោះជាតិមាតុភូមិកម្ពុជា នៅព្រឹកថ្ងៃទី១៥ ខែតុលា ឆ្នាំ២០២៣ ឯកឧត្តមឯកអគ្គរាជទូត និងមន្រ្តីស្ថានទូតកម្ពុជាប្រចាំសហរដ្ឋអាមេរិក និងម៉ិកស៊ិក បានប្រារព្ធពិធីគោរពព្រះវិញ្ញាណក្ខន្ធគម្រប់ខួប ១១ឆ្នាំ នៃការយាងសោយទិវង្គតរបស់ព្រះករុណាព្រះបាទសម្តេច ព្រះនរោត្តមសីហនុ "ព្រះបរមរតនកោដ្ឋ" ។ កាលពីចុងសប្តាហ៍កន្លងទៅនេះ ឯកឧត្តម កែវ ឈា ឯកអគ្គរាជទូតកម្ពុជាប្រចាំសហរដ្ឋអាមេរិក និងម៉ិកស៊ិក និងលោកជំទាវ អ៊ាត សោភា តំណាងអចិន្ត្រៃយ៍នៃព្រះរាជាណាចក្រកម្ពុជាប្រចាំអង្គការសហប្រជាជាតិ បានទទួលកាន់បិណ្ឌវេនទី១ នៅវត្តរតនរង្សីស្ថិតនៅរដ្ឋវើជីនៀ ដោយបាននាំយកចង្ហាន់បិណ្ឌបាត និងបច្ច័យមួយចំនួនទៅវេប្រគេនព្រះសង្ឃគង់ចាំព្រះវស្សានៅក្នុងវត្ត ព្រមទាំងបានប័ង្សុកូលឧទ្ទិសកុសលជូនដល់វិញ្ញានក្ខ័នបុព្វបុរស និងជីដូនជីតា ផងដែរ។ Follow us on Facebook https://www.facebook.com/CambodiaEmbUS លោក អ៊ុំ សុជាតិ អនុប្រធានបេសកកម្មកម្ពុជាប្រចាំសហរដ្ឋអាមេរិក អមដោយលោក ម៉ឹង ផាដែនវរដេត អនុព័ន្ធពាណិជ្ជកម្ម និងលោក តាន់ អៀងដាវីឌ លេខាធិការទី ២ បានជួបជាមួយ Ambassador Ana Luisa FAJER អនុប្រធានបេសកកម្មស្ថានទូតម៉ិកស៊ិកប្រចាំអាមេរិក ដើម្បីពិភាក្សាអំពីកិច្ចសហប្រតិបត្តិការទ្វេភាគី និងស្វែងរកឱកាសក្នុងការពង្រីកការវិនិយោគ-ពាណិជ្ជកម្ម។  ឯកឧត្តម កែវ ឈា ឯកអគ្គរាជទូតកម្ពុជាប្រចាំសហរដ្ឋអាមេរិក និងម៉ិកស៊ិកបានអញ្ជើញទទួលលោក Antonito de Araujo ភារធារីស្ដីទីនៃស្ថានទូតទីម័រឡេស្តេប្រចាំសហរដ្ឋអាមេរិក ចូលជួបសម្តែងការគួរសម និងពិភាក្សាការងារ នៅស្ថានទូតកម្ពុជាក្នុងរដ្ឋធានីវ៉ាស៊ីងតោន៕ ស្ថានទូតកម្ពុជាប្រចាំសហរដ្ឋអាមេរិក និងម៉ិកស៊ិកបានរៀបចំកម្មវិធីអាហារសាមគ្គីទទួលអនុប្រធានបេសកកម្មនៃបណ្តាប្រទេសដែលជាសមាជិកអាស៊ាន នៅក្នុងបរិវេណស្ថានទូត នៅល្ងាចថ្ងៃទី១៦ ខែសីហា ឆ្នាំ២០២៣៕ The President of the ACW of the Cambodian Embassy, after serving for the past four months, handed over the hammer to transfer the mandate of the ACW President to the Ambassador of Indonesia. នៅវេលាថ្ងៃត្រង់ ថ្ងៃទី១៦ ខែសីហា ឆ្នាំ២០២៣ ឯកឧត្តម កែវ ឈា ក្នុងឋានៈជាប្រធានគណៈកម្មការអាស៊ាននៅរដ្ឋធានីវ៉ាស៊ីនតោន បានរៀបចំអាហារថ្ងៃត្រង់ការងារជាមួយ ឯកអគ្គរាជ/រដ្ឋទូត និងតំណាងនៃបណ្ដាទូតអាស៊ាន ដែលជាកិច្ចប្រជុំបិទបញ្ចប់អាណត្តិជាប្រធាន ACW របស់ស្ថានទូតកម្ពុជា ក្រោយបានបំពេញតួនាទីអស់រយៈពេល ៤ ខែកន្លងមក និងបានប្រគល់ញញួរផ្ទេរអាណត្តិជាប្រធាន ACW ជូនឯកអគ្គរដ្ឋទូតឥណ្ឌូនេស៊ី ដែលជាប្រធានបន្ត៕ ឯកឧត្តម កែវ ឈា ក្នុងនាមជាប្រធាននៃគណៈកម្មាធិការអាស៊ានប្រចាំរដ្ឋធានីវ៉ាស៊ីងតោន បានអញ្ជើញចូលរួមថ្លែងសុន្ទរកថាបើកវគ្គសិក្សា "US-ASEAN Institute for Rising Leaders Fellowship" និងដើម្បីអបអរសាទរខួបអនុស្សាវរីយ៍លើកទី៥៦ នៃការបង្កើតអាស៊ាន ដែលបានប្រព្រឹត្តទៅនៅសកលវិទ្យាល័យ Johns Hopkins កាលពីល្ងាចថ្ងៃទី ០៨ ខែសីហា ឆ្នាំ២០២៣ ៕ |
CONTACT INFORMATIONEMBASSY HOURS
CONTACT NUMBER
EMAIL ADDRESS
|
|