នៅថ្ងៃទី២៤ ខែឧសភា ឆ្នាំ២០២៥ ឯកឧត្តម កុយ គួង ឯកអគ្គរាជទូតកម្ពុជាប្រចាំសហរដ្ឋអាមេរិក បានចូលរួមជាភ្ញៀវកិត្តិយសក្នុងកម្មវិធីសម្តែងរបាំប្រពៃណីជាតិខ្មែរ ដើម្បីអបអរសាទរខួបលើកទី៤៥ឆ្នាំ នៃការបង្កើតសមាគមរក្សាមរតកខ្មែរនៅសហរដ្ឋអាមេរិក នៅរដ្ឋ Virginia។
​
ឆ្លៀតក្នុងឱកាសប្រកបដោយក្ដីសោមនស្សរីករាយខាងលើ ឯកឧត្តម ឯកអគ្គរាជទូត បានឡើងថ្លែងកោតសរសើរចំពោះបងប្អូនជាតិរួមជាតិខ្មែរ ដែលកន្លងមកតែងតែយកចិត្តទុកដាក់ថែរក្សាមរតកវប្បធម៌ និងប្រពៃណីខ្មែរ បើទោះបីជា បងប្អូនជាតិរួមជាតិខ្មែរបានមករស់នៅឆ្ងាយពីមាតុប្រទេសយ៉ាងណាក្ដី។ ការសម្ដែងរបាំប្រពៃណីជាតិខ្មែរ នេះជាការឆ្លុះបញ្ជាំងឱ្យឃើញអំពីសារៈសំខាន់នៃដួងព្រលឹង និងអត្តសញ្ញាណជាតិលើទឹកដីសហរដ្ឋអាមេរិក។